ShreeGuraveNamah: ఆషాఢశక్తి గా మేల్కొని బోనాల నివేదనను స్వీకరించే దక్షిణాయననాయకి ఆదిపరాశక్తి...! :)

Vinay Kumar Aitha

శ్రీకరమైన ఉపాసనాకాలంగా అస్మద్ గురుదేవులు శ్రీచాగంటి సద్గురువులు తమ ప్రవచనామృతంలో బోధించినట్టుగా, భూభ్రమణాంతర్గతంగా
ప్రత్యక్షపరమాత్మ అయిన సూర్యనారాయణుడి చుట్టు పరిభ్రమించే భూగోళం సూర్యుడికి దూరంగా తన పయనంసాగించే దక్షిణాయనపుణ్యకాలం ఆసన్నమవుతున్నవేళ.....

ఆధ్యాత్మిక తత్వచింతనానుసారంగా సూర్యుడు ఆత్మశక్తికి, చంద్రుడు మనోశక్తికి ప్రతీకలు / కారకులు......

సశాస్త్రీయ వైదిక మార్గపు జ్యోతిష శాస్త్రానుగుణంగా
సూర్య చంద్రులు ఖగోళంలోని
సౌరమండలాంతర్గతపు 2 గ్రహాలే అయినా, వాటి ప్రత్యేకత వేరు....

సూర్యుడినుండి కాంతిని, శక్తిని సంగ్రహించే చంద్రుడు కేవలం భూమిచుట్టూ పరిభ్రమించే భూసహజ ఉపగ్రహం..( Moon is a non self-luminous earth's natural satellite...)

సూర్యుడు అన్ని గ్రహాల గమనాన్ని శాసించే కేంద్రస్థానమై, గ్రహాధినాయకుడై, స్వయంప్రకాశకుడై విరాజిల్లే బృహత్ నక్షత్ర కాంతిపుంజం....... ( Sun is a self-luminous humongous star that holds the central authority of the solar system comprising of various planets rotating and also revolving around it in their respective elliptical orbits....)

కాబట్టి ఈ సూర్యచంద్రుల ఉమ్మడి ప్రభావం అనేది కేవలం భూగత జీవులకు మాత్రమే వర్తించే భౌతిక ఆధ్యాత్మిక ( అనగా దైవిక ) అంశం.....

( ofcourse other planets do have their own moons like Saturn and it's moon and so on...however none of them affect Earth's living beings as such and hence are ignored for all practical astronomical and astrological purposes )

సూర్యుడుకి భౌతికంగా భూమి దూరమైనప్పుడు ఆ కాలంలో సహజంగానే జీవుల ఆత్మశక్తి సన్నగిల్లి, వారికి లభించవలసిన ఆత్మగతమైన జీవబలం మందగించిపోతుంది.......

సూర్యుడులేని నాడు, సూర్యశక్తే ఆధారంగా గల చంద్రునకు శక్తిలేదు.....
కాబట్టి ఆత్మశక్తి క్షీణించే కాలంలో చంద్రకారకమైన మనోశక్తికి కూడా నిలకడ ఉండదు....
ఈ రెండు తమ తమ స్థిరత్వలుప్తావస్థలో ఉండే కాలం సహజంగానే ప్రాణులకు గండకాలమై ఉంటుంది.....

అందుకే ఇలాంటి కాలంలో,
బ్రహ్మమొదలు పిపీలికాదిపర్యంతం ప్రతి ప్రాణియొక్క మనుగడకు మూలాధారమైన ఆ పరాశక్తిని విశేషంగా ఆరాధించి, ఆ వైశ్వికశక్తిని ఆషాఢశక్తిగా జాగృతపరిచి చీడపీడలకు నెలవైన ఈ దక్షిణాయన కాలపు పగ్గాలను చేబూని జీవుల రక్షణబాధ్యతను మరింత దృఢంగా స్వీకరించి కరుణించమని వేడుకోవడమే ఈ ఆషాఢజాతర
లోని ఆంతర్యం.....

భౌతిక శాస్త్రంలోని " Energy can neither be created not destroyed but can only be transformed from one form to the other... " అనే మౌలికసూత్రానుగుణంగా,

ఆ విశ్వవ్యాప్తమైన చైతన్య శక్తిని
గడ్డుకాలంలో మనకు ఒక "cosmic divine shield" లా రక్షణగా ఉండడానికి " రాజసశక్తిగా "
జాగృతపరుస్తున్నం కాబట్టి ఆ అమేయ దైవిక శక్తిని స్థిమితపరిచి స్థిరీకరించడం కూడా అంతే ఆవశ్యకమైన అంశం....

(Stabilization of an energy transfer process is as important as the very means of various methodologies used to invoke the same.)

కాబట్టే విశేషమైన నివేదనలతో
ఆ జాగృతపరచబడిన అప్రమేయ పరాశక్తితత్వాన్ని శాంతపరిచి, ఆ పరాంబిక యొక్క అనుగ్రహాన్ని శుభకరమైన ఇహ జీవితానికి / వివిధ ఐహిక ఉపలబ్ధికి అనువైనరీతిలో కొలువైవుండి అనుగ్రహించమని వేడుకోవడమే ఈ బోనాల ఉత్సవ వైభవం...

నివేదన --> భోజనము --> బోనము
అనే జనబాహుళ్యాంతర్గత వ్యవహరమైన పదప్రయోగంతో "బోనాలు" గా యావద్
తెనగసీమ --> తెలగసీమ--> తెలుంగుసీమ --> తెలంగాణ నేలపై బహువైభవవిశేషాలతో ఆ

"భవాని భావనాగమ్యా భవారణ్యకుఠారిక" ను ఆరాధించి అనుగ్రహాన్ని పొందడమనేది తరతరాలుగా పరిఢవిల్లుతున్న నైసర్గికాచారవిశేషం...😊

శ్రీమాత్రేనమః.....🙏🙏🙏🙏🙏
సర్వం బల్కంపేట స్వయంభూ
శ్రీరేణుకాహేమలాంబ(ఎల్లమ్మ) పరాంబికశ్రీచరణారవిందార్పణమస్తు.....😊