ఆశ్వయుజ అమావాస్య మానవులకు దీపావళి / కార్తీక పౌర్ణమి దేవతలకు దీపావళి ఎందుకు అని అంటే, దేవతాసార్వభౌముడైన శ్రీమహావిష్ణువు పాలకడలిలో శేషతల్పంపై మేల్కొని ఉండే సమయమే దేవతలకు పర్వసమయం కాబట్టి...
అనగా....
శ్రీలక్ష్మీనారాయణుడి క్రీగంటి చూపులతో సకల చరాచరభువనాల్లో వసించే ఆయా జీవరాశులు పుణ్యోద్దీపనతో పరిఢవిల్లే సమయమైన దేవోత్థాన ఏకాదశి తరువాత వచ్చే కార్తీక పౌర్ణమి నాటి దీపావాళి, మనకు మరియు ఎల్లరికీ కూడా దేవదీపావళి పర్వసమయం...
ఆ శ్రీలక్ష్మీనారాయణుడు ఎవరో కాదు, ఏ దేవతాసార్వభౌముడి కిరీటమైతే ఆ మణిద్వీపనివాసిని అయిన శ్రీలలితాపరాంబిక యొక్క శ్రీపాదమంజీరములను అలంకరిస్తూ అలదబడిన దేవలోకకస్తూరిసమ్మిళితలత్తుకకు సంబంధించిన అరుణారుణభాసతో తణుకులీనుతూ ఉండునో, అనగా ఏ సర్వలోకపరిపాలకసార్వభౌముడు అనునిత్యం మణిద్వీప మహాసామ్రాజ్ఞికి నమస్కరిస్తూ ఉండునో ఆ మహాపుణ్యతైజసికదేహధారుడు...
అందుకే "చంద్రమండలమధ్యగ" గా వర్ధిల్లే "విశ్వభ్రమణకారిణి", "కరాంగుళినఖోత్పన్ననారాయణదశాకృతిః" గా వాగ్దేవతలచే స్తుతింపబడుతోంది...
పూర్ణచంద్రబింబస్థితశ్రీచక్రరూపంలో కొలువై భులోకవాసులకు నిత్యం చంద్రామృతశక్తిని ఓషధీశక్తిగా వర్షిస్తూ భక్తలోకాన్ని అనుగ్రహిస్తూ ఉన్నది...
ఆ చంద్రామృతకారకఓషధీశక్తిని మనోశక్తిగా భూలోక ఆవరణ మనుజులకు అనుగ్రహిస్తున్నది....
ఇట్టి శరత్చంద్రుడి / శరత్కాలపౌర్ణమిచండ్రుడి వైభవం అధ్యాత్మశాస్త్రరీత్యా కూడా ఎంతో ఘనమైనది ..
వసంత, గ్రీష్మ, వర్ష, శరద్, హేమంత, శిశిర
అనే ఆరు ఋతువుల్లోనూ చంద్రుడు, పౌర్ణమి, వెన్నెల, ఉండును...
మీలో ఎవ్వరికైనా.....
శరత్చంద్ర, హేమచంద్ర అనే పేర్లతో ఫ్రెండ్స్ ఉన్నారేమో కాని....
వసంతచంద్ర, గ్రీష్మచంద్ర, వర్షచంద్ర, శిశిరచంద్ర అనే పేర్లతో ఫ్రెండ్స్ ఉండరు...
(నాకు శరత్చంద్ర, శరత్, వంశీచంద్ర, శరత్ విశ్వనాథ్, అనే ఫ్రెండ్స్ ఉన్నారు....)
అమృతంలాంటి గుడాన్నంలో / పరమాన్నంలో ఉప్పు, కారం, ఘాటు రుచులు ఉండవు....
పుళిహోరలో తీపి రుచి ఉండదు....
గుండా, రౌడి, రాక్షస వ్యక్తిత్వాలలో, మంచి, మానవత్వం ఉండవు...
అని అనడం ఎట్లాగో...
వసంత, గ్రీష్మ, వర్ష, శిశిర ఋతువుల్లో చంద్రుడికి విశేషమైన అమృతవర్షిణి శక్తి ఉండదు....
అని అనడం కూడా అట్లాంటిదే....
అందుకే కేవలం శరత్చంద్ర అనే పేర్లు లోకంలో ఎక్కువగా వినపడుతూ ఉంటాయ్....
కృత్తికా నక్షత్రానికి అగ్నిదేవుడు అధిపతి...
ఆ ఆ అగ్నిదేవుడికి మరోరూపమైన కార్తికేయస్వామి వారి మాతాపితరులైన రుద్రుడికి / ముక్కంటికి, రుద్రాణికి, 3వ కన్ను అగ్నినేత్రం....
ఉత్తరాయణంలో భూమికి సూర్యశక్తిలభ్యత ఎక్కువ....
దక్షిణాయణంలో భూమికి సూర్యశక్తిలభ్యత తక్కువ....
అని అందరికీ తెలిసిందే....
అనగా అధ్యాత్మపరంగా దక్షిణాయణంలో సూర్యానుగ్రహలభ్యత కూడా తక్కువ...
అనగా పంచాంగబలం కూడా తక్కువ...
అందుకే దక్షిణాయణంలో ఎక్కువగా ముఖ్యమైన ఫంక్షన్లు ఉండవు...
సూర్యచంద్రమండలాలు ఇరు నేత్రమండలాలుగా గల శర్వునకు...
సూర్యచంద్రమండలాలు ఇరు కర్ణాభరణములుగా గల (తాటంకయుగళీభూతతపనోడుపమండల) శర్వాణికి,
శర్వాణి సోదరుడైన శ్రీమన్నారాయణుడికి (చంద్రసహోదరి అయిన శ్రీలక్ష్మి పతికి) కూడా ఈ కార్తీక మాసం అత్యంతప్రీతికరమైన మాసం....
శ్రీచాగంటి సద్గురువుల శ్రీలలితాసహస్రనామావళి
ప్రవచనాల్లో ఆలకించినవారికి తెలిసినట్టుగా,
తపన మండలం అనగా సూర్యమండలం,
ఉడుప మండలం అనగా చంద్రమండలం.
మనలో ఉండే ఇడా పింగళ సుషుమ్నా నాడులు,
పరమేశ్వరుడి / పరమేశ్వరి యొక్క సూర్య చంద్ర అగ్ని మండలాలతో ఎవ్విధంగా యోగసమాధిలో అనుసంధానమౌతూ ఉంటాయో తెలియాలంటే మీరు, స్వయంగా శ్రీకార్తికేయస్వామివారే ప్రతిష్ఠించిన పంచారామక్షేత్రమైన, సామర్లకోటలోని శ్రీకుమారారామయోగక్షేత్రాన్ని దర్శించవలసి ఉంటుంది...
అక్కడ ధ్యానించి తెలుసుకోవలసి ఉంటుంది ..
(ఈ యోగక్షేత్రంలో ఒక దెగ్గర ఒక స్టార్ గేట్ కూడా ఉందనే విషయం చాలా తక్కువమందికి అనగా ఎక్కువగా ఈ యోగక్షేత్రాన్ని దర్శించే అధ్యాత్మ విజ్ఞ్యులకు మాత్రమే, తెలియును...)
సూర్యపరావర్తనశక్తికి ప్రతిరూపమే చంద్రశక్తి...
(అని సైన్స్ కూడా అంటుంది....)
అనగా అధ్యాత్మశాస్త్ర అనులోమవిలోమ సిద్ధాంతప్రకారంగా,
విశేషమైన చంద్రశక్తి / చంద్రానుగ్రహం ఉన్నచో అది
విశేషమైన అధ్యాత్మ సూర్యశక్తి / సూర్యానుగ్రహం కూడా కలిగించును ...
చంద్రుడు ఎంత చల్లనివాడో, సూర్యుడికి అభిముఖంగా ఉన్న చంద్రగ్రహభాగం అంతే వేడిగా ఉండును....
అగ్నికీలలు ఎగిసిపడేది కేవలం భానుమండలంలో మాత్రమే కాదు....127 డిగ్రీల గరిష్ట ఉష్ణోగ్రత గల చంద్రుడి ఉపరితలంపై
/ చంద్రమండలంలో కూడా అని అంటే అది కొందరికి అతిశయంగా అనిపించవచ్చు....
కాబట్టి అగ్నిదేవుడికి చంద్రుడికి కూడా ఒకానొక అవినాభావ మైత్రి ఉన్నది...
కాబట్టి అధ్యాత్మ రీత్యా కూడా కృత్తికా నక్షత్రం యొక్క అగ్నితత్వంతో కూడి ప్రకాశించే కార్తీక మాస పౌర్ణమి చంద్రుడికి విశేషమైన సూర్యశక్తి, ఆత్మశక్తి ని అనుగ్రహించే విశేషముండును అని మన సనాతన మహర్షులు కనుగొన్నారు....
"దక్షిణాయణంలో పెళ్ళిళ్ళు, గృహప్రవేశాలు, వొడుగులు, ఫంక్షన్లా...?
కార్తీక మాసం వచ్చిందా ఏంటి...?"
అని అనేది అందుకే....
అనగా " మహోన్నత్తమైన గహనమైన ముహూర్తశాస్త్రానికి సూర్యమండలశక్తి సమకూరే కార్తీకమాసం వచ్చిందా...".
అని ఆ క్యాజువల్ డైలాగ్ యొక్క అర్ధం...
అంతటి మహిమాన్వితమైన కార్తీకమాస పౌర్ణమి పర్వసమయంలో విజ్ఞ్యులెల్లరూ విశేషమైన 365 వత్తుల దీపారాధనతో, విశేషమైన దేవతారాధనతో, తరించే ఉంటారు...
అనగా సంవత్సరంలోని అన్ని రోజుల్లోనూ దీపారాధన / దేవతరాధన చేసిన పుణ్యఫలం నాకు లభించుగాక...
అని శాస్త్రార్ధం.....
శ్రీభువనేశ్వరిదేవి (హ్రీం బీజాధినేత్రి) సహిత శ్రీద్వాదశజ్యోతిర్లింగేశ్వరస్వామివారి ఆలయంలో శ్రీరమాసమేతశ్రీసత్యనారాయణస్వామివారి సామూహిక పంక్తివ్రతంలో (ఉదయం)
మరియు
శ్రీమదలర్మేల్మంగాపద్మావతీఆండాళ్ సమేత శ్రీవేంకటేశ్వరస్వామి వారి ఆలయంలో సహస్రదీపోత్సవంలో (సాయంత్రం) పాల్గొని తరించిన ఈనాటి కార్తీక పౌర్ణమి పర్వసమయంలో,
అమేయపుణ్యదాయకదయామూర్తులైన,
నిర్గుణ, నిరాకార, పరమేశ్వరునకు / శ్రీకార్తీకత్రయంబకునకు...,
సగుణ, సాకార, పార్వతీసోదరునకు / శ్రీకార్తీకదామోదరునకు..
ప్రణమిల్లుతూ, శ్రేయోభిలాషులెల్లరికీ దేవదీపావళి శుభాభినందనలు.... 💐🙂
సత్త్వోత్తరైః సతత సేవ్యపదాంబుజేన
సంసార తారక దయార్ద్ర దృగంచలేన ।
సౌమ్యోపయంతృ మునినా మమ దర్శితౌ తే
శ్రీవేంకటేశ చరణౌ శరణం ప్రపద్యే ॥
No comments:
Post a Comment