(పూర్వాభాద్ర ప్రయుక్త వైశాఖ బహుళ దశమి)
వశిష్ఠ మహర్షి
శక్తి మహర్షి
పరాశర మహర్షి
వ్యాస మహర్షి
శుక యోగీంద్రులు
అనే పంచఋషిపరంపరలో మధ్యలో ఉన్న శ్రీపరాశరమహర్షి వారిచే భక్తలోకానికి అనుగ్రహింపబడిన అత్యంత సాధికార హనుమద్వైభవవిశేషసంగ్రహసారంగా వినుతికెక్కిన పరాశరసమ్హిత ప్రకారంగా,
వైశాఖే మాసి కృష్ణాయాం దశమ్యాం మందవాసరే,
పూర్వాభాద్ర ప్రభూతాయ మంగళం శ్రీ హనూమతే
తాత్పర్యం: వైశాఖ మాసం, కృష్ణ పక్షం (బహుళ పక్షం), దశమి తిథి, శనివారం నాడు, పూర్వాభాద్ర నక్షత్రంలో శ్రీహనుమంతుడు జన్మించాడని పై శ్లోకం చెబుతోంది.
వ్యాసం వశిష్ఠ నప్తారం శక్తేః పౌత్రమకల్మషమ్ |
పరాశరాత్మజం వందే శుకతాతం తపోనిధిమ్ ||
వ్యాసాయ విష్ణురూపాయ వ్యాసరూపాయ విష్ణవే |
నమో వై బ్రహ్మనిధయే వాసిష్ఠాయ నమో నమః ||
శ్లోక తాత్పర్యం: వశిష్ఠ మహర్షి యొక్క ముని మనవడు, శక్తి మహర్షి యొక్క మనుమడు, పరాశర మహర్షి యొక్క పుత్రుడు మరియు శుక మహర్షి యొక్క తండ్రి అయిన పవిత్రుడైన వేదవ్యాసునికి నేను నమస్కరిస్తున్నాను.
సాక్షాత్తూ విష్ణు స్వరూపుడైన వ్యాసునికి, వ్యాస స్వరూపుడైన విష్ణువునకు, జ్ఞాన నిధి అయిన ఆ వశిష్ఠ వంశస్తునికి పదే పదే నమస్కారములు.
శ్రీవిష్ణుసహస్రనామస్తోత్రం పూర్వ పీఠికలోని ఈ శ్లోకాలు భక్తులకు విదితమే...
మన సనాతన హైందవ సంప్రదాయ వైభవానికి అద్దం పట్టే ఎన్నో ఉత్సవాలు, పండగలు, సంప్రదాయాలు, జానపద / నైసర్గిక జాతరలు, అనాదిగా ఎన్నో...
వాటన్నిట్లోకెల్లా, శ్రీఆంజనేయస్వామి వారి ఆరాధన ఎంతో విశేషమైనది, మహత్తరమైనది, మరీ ముఖ్యంగా ఈ కలియుగంలో అత్యంత ప్రధానమైన శ్రేయోదాయక సాధనం అని శ్రీచాగంటి సద్గురువుల ప్రవచనాల్లో విజ్ఞ్యులు ఆలకించే
ఉంటారు....
కడురమణీయకాశ్మీరసీమలోయల ఆసేతు హిమాచలం నుండి కన్యాకుమారి వరకు, వివిధ పేర్లతో అనునిత్యం పరిఢవిల్లే ఎకైక దేవతారాధన శ్రీఆంజనేయస్వామి వారి ఆరాధన.....
ఎందుకంటే...
ఓం గంధమాదనశైలస్థాయ నమః అని ఉత్తరాన హిమసీమల్లో మొదలై...
ఓం లంకాపురవిదాహకాయ నమః అని దక్షిణాన కాంచనలంక వరకు...
ఇప్పటికీ శ్రీఆంజనేయస్వామి వారు సంచరించని చోటు, ఊరు, వాడా, పల్లె, పట్నం లేదంటే అతిశయోక్తి కానేరదు...
దుష్టమేఘనాథుడితో యుద్ధంలో అలసి మూర్ఛతో సౌమిత్రి పరిస్థితి విషమమైనప్పుడు సంజీవని, సంధానకరణి, సావర్ణకరణి, విశల్యకరణి, అనే నాలుగురకాల సిద్ధౌషధమూలికలతో అలరారే హిమసీమపర్వతాన్ని కాంచనలంకకు తీసుకొచ్చి మరీ శ్రీరామసేనలో గాయపడిన యోధులందరికీ ఆరోగ్యాన్ని అనుగ్రహించిన నిరుపమానధీరుడు వాయుపుత్రుడైన హనుమంతుడు...!
అట్టి సంజీవనీ సిద్ధౌషధమూలికాసేవనంతో మరలా సంపూర్ణారోగ్యవంతుడైన సౌమిత్రి మరియు హనుమ ఇరువురు కలిసి మేఘనాథుడిపై విజయం సాధించారు కాబట్టే, రామరావణయుద్ధంలో రావణుడు హతుడై ఆతదుపరి ధర్మాత్ముడైన విభీషణుడికి కాంచనలంకాధిపత్యం అనుగ్రహింపబడినది....
అనే శ్రీమద్రామాయణ ఇతిహాస వృత్తాంతంలోని తత్త్వపరమైన అంతరార్ధం ఏంటో తెలుసా....?
శ్రీమహవిష్ణువు యొక్క అవతారం గా ప్రభవించిన శ్రీరాముడు మనలోని పరమాత్మభాసకు ప్రతీక ....
పరమాత్మను నిత్యం అనుగమిస్తూ వర్ధిల్లిన ఆదిశేషావతారం గా ప్రభవించిన సౌమిత్రి మనకు అనగా మన శరీరాన్ని నడిపించే జీవాత్మకు ప్రతీక...
భరతశత్రుఘ్ణులు జీవుడి యొక్క రాగద్వేషములకు ప్రతీక...
అపర రుద్రాంశసంభూతుడైన హనుమ ఆచార్యులకు ప్రతీక...
భరతశత్రుఘ్ణులను విడిచి సౌమిత్రి దాశరథి కలిసి వనములకేగుట అనగా....
రాగద్వేషములను విడిచి జీవుడు పరమాత్మను అనుగమిస్తూ ఆంతర / అంతర్ముఖ ఆరాధనయందు భావాంబరవీధుల్లో
సంచరించుట...
మేఘనాథుడు సామాన్యంగా జయింపశక్యంకాని ప్రకృతిమాయకు ప్రతీక..
మన నయన మండలానికి సూర్యచంద్రులు అధిదేవతలు (సూర్య చంద్ర మండలాలు), మన హృదయకోశానికి యమపుత్రుడైన శనైశ్చరుడు అధిపతి.
సూర్యుడు, సంజ్ఞ్యాదేవి, ఛాయాదేవి, యముడు, శనైశ్చరుడు, యమి అనే సూర్యపరివారానికి,
రోదసిలో భూమికి దక్షిణ దిక్కుగా ఉండే యమలోకానికి,
మన హృదయమండలానికి, నేత్రమండలానికి ఒకానొక అధ్యాత్మ అవినాభావసంబంధం ఉండును.
[
అసెంబ్లి వేరు,
సెంట్రల్ జైల్ వేరు,
కోర్ట్ వేరు.
అట్లే
పరిపాలకులు ఉండే స్వర్గం వేరు,
రాక్షసులుండే నరకం వేరు,
ధర్మదేవతలు ఉండే న్యాయస్థానం / కోర్ట్ / యమలోకం వేరు.
]
గరిమసిద్ధితో మహేంద్రగిరి పైనుండి లంఘించి దక్షిణదిక్కుగా హనుమ 100 యోజనముల సాగరాన్ని లంఘించడం అంటే...
భగవన్నామగుణగానవైభవంతో అమరే జ్ఞ్యానసిద్ధితో బాహ్య నయనాలు మూసి, ఆంతర నయనాన్ని విశేషంగా ఉపయోగించి అనంతమైన హృదయకోశంలోకి అంతర్ముఖత్వ ప్రయాణం గావించడం...
దాశరథీ సౌమిత్రి ఎంతవెతికినా పరేశి సీతమ్మ జాడ కానరాకుండుట, ఆ తదుపరి కిష్కింధకాండలో కావ్యారంగేట్రం గావించే హనుమంతుడికి ప్రభువైన సుగ్రీవుడి సహాయంతో వానరసేన దక్షిణదిక్కుగా ప్రయాణించి, సంపాతి యొక్క సూచనతో హనుమంతుడు నూరుయోజనాల సముద్రాన్ని లంఘించి, మేఘనాథుడి మాయ గురించి బాగా తెలుసుకొని, సీతమ్మ జాడను కనిపెట్టి లంకనుదహించుట...
అనే వృత్తాంతంలో....
జీవాత్మ, పరమాత్మ కలిసి ఎన్నో జన్మలుగా జన్మాంతరప్రయాణం గావిస్తూనే ఉంటారు....
ఎక్సిబిషన్లో జాయంట్ వీల్ లా గిరగిరా సాగే ఆ జీవయాత్రకు తుదిమొదలంటూ ఏది ఉండదు....
ఎప్పుడైతే ఏదో ఒక సందర్భంలో, ఈశ్వరానుగ్రహంగా మన జీవాభ్యున్నతికై తారసపడే మహాపురుషులు మన జీవితాలకు అచార్యులై వర్ధిల్లుతూ, వారి సూర్యారాధనశక్తితో అనగా వారి నిత్యానుష్ఠాన ఔపాసనిక శక్తి తో మనకు దార్శనికులై వర్ధిల్లి,
సంపాతి లాంటి దూరదృష్టితో అనగా భవిష్యద్ శ్రేయస్సును దర్శించగల విశేషమైన ప్రజ్ఞ్యగల విజ్ఞ్యుల సలహాలు, సూచనలను గౌరవిస్తూ,
జీవుడు సేవించే పరమాత్మ యొక్క భాసకు ప్రతీకగా వర్ధిల్లే అంగుళీయకం (రింగ్) అనగా మన ఈశ్వరారాధన యొక్క ఆర్తి ఆచార్యుల అనుగ్రహంగా అనంతమైన దూరతీరాల్లో ఉండే పరేశి సీతమ్మకు అంది, అనగా ఆ మణిద్వీపనివాసిని అయిన శ్రీమాతకు చేరగా, అమ్మవారి అనుగ్రహంగా ఆచార్యుల ద్వారా అమ్మవారి చూడామణి అనగా అమ్మవారి జుత్తును అలంకరించి ఉండే ఆభరణం అనగా అన్ని రకాల అజ్ఞ్యానాలను సమూలంగా దహించివేసే ప్రజ్ఞ్యానశక్తిని దర్శించి, తత్ప్రయాసలో అన్ని రకాల రాక్షసప్రవృత్తులకు నిలయమైన కాంచనలంక లాంటి అరిషడ్వర్గసమూహప్రకోపం లయించగా...
"దృష్ట్వా సీతా..." అని హనుమ తిరిగివచ్చి వానరసేనతో వచించడం అనగా....
"పరేశి యొక్క జాడను దర్శించితిని" అనగా
"మన హృదయకోశంలో నిత్యం దశదిశలా అమేయకాంతిపుంజాన్ని వెదజల్లుతూ ఉండే "త్రికోణాంతరదీపిక" ను దర్శించడం
అనే మన ఆంతరప్రయాణప్రయాసను మన ఇంద్రియాలకు గ్రాహ్యంశంగా అవధరించిన ఆచార్యవాక్కు తెలియపరచుట....
ఇహములో నిమగ్నమై ఉన్నప్పుడు పరమును దర్శించలేము.....
పరము యొక్క ధ్యానంలో మనస్సును లయించి నిమగ్నమై పరధ్యానంలో ఉన్నప్పుడు ఐహిక లోకాన్ని దర్శించము.....
కాని ఇహము మరియు పరము రెండు కూడా
జీవాభ్యున్నతికై ఆవశ్యకమైన అనుగ్రహాలు....
అవి ఆ పరేశి ఏ భక్తుడుకి ఎప్పుడు ఎట్లా అనుగ్రహించునో కేవలం ఆ పరంధాముడైన శ్రీసీతారాములకు మాత్రమే తెలియును....
అందుకే మీరు గమనించి ఉండి ఉంటే,
భద్రమహర్షి గారి ప్రార్ధనమేరకు ఈ కలియుగంలో ప్రభవించిన శ్రీవైకుంఠరామనారాయణుడిగా శ్రీవరభద్రగిరీషుడిగా కొలువైన
శ్రీ భద్రాచల సీతారాముల దర్శనంలో,
శంఖం స్వామివారి కుడిచేతిలో అమరి ఉంటుంది...
అనగా శీఘ్రజ్ఞ్యానదాయక శ్రీవైష్ణవధృవమూర్తి...
మనకు దర్శనం ఇచ్చే సీతమ్మవారు ధరించిన ఒక కమలం ఇహమునకు ప్రతీక...
మనం సాధారణంగా దర్శించలేని ఇంకో కమలం పరమునకు ప్రతీక...(మూర్తికి ఆవలివైపు దర్శనీయమై ఉంటుంది....)
అర్హతగల ద్విజులకు అక్కడి ఆచార్యుల అనుగ్రహంగా శ్రీసీతారాముల మూర్తికి మరోవైపు కానవచ్చే ఇంకో కమలాన్ని దర్శించే వారికి అందరూ సాధారణంగా దర్శించే ఇటువైపు ఉండే కమలం దర్శనీయమై ఉండదు...
అనగా అంతటి అధ్యాత్మోన్నతస్థాయిని, అనుగ్రహాన్ని అందుకొని తరించే వారికి ఇహము గురించి పెద్దగా ఏ పట్టింపు ఉండదు అని అంతరార్ధం.....
అనగా అమ్మవారి అనుగ్రహంగా వారికి కావలసినంత ఐహిక అభ్యున్నతి అనుగ్రహింపబడి, ఆ తదుపరి వారిని పరము వైపు అనగా పరేశిపాదారవిందములచెంత అలరారే ప్రజ్ఞ్యానసాధనవైపు ఉపాసకుడి ఆంతర చక్షువు నిమగ్నమై ఉన్నది అని అందలి అంతరార్ధం...
చాలా సింపుల్ గా కనిపించే శ్రీభద్రాచలసీతారాముల దర్శనంలో ఎంత గొప్ప కాంప్లెక్స్ అధ్యాత్మ జ్ఞ్యానం ఇమిడిఉందో, మీకు ఈశ్వరానుగ్రహంగా ఇంద్రియగ్రాహ్యమై తరించాలంటే, ఆదివారం నాడు అపరాహ్ణవేళలో అక్కడ ప్రవహించే సిద్దగౌతమీ తీర్థంలో సంకల్పసహిత తీర్థస్నానం ఆచరించి, ఆలయోపరిభాగంలో కొలువైన, శ్రీరామదాసు గారికి గోదావరిలో
శ్రీవైకుంఠం నుండి అనుగ్రహింపబడిన
అనన్యసామన్యమైన శ్రీసుదర్శనచక్రాన్ని దర్శించి,
ఆ తదుపరి ఆలయంలో ఎంతో ఠీవితో మందస్మితులై కొలువైన సౌమిత్రి సమేత శ్రీసీతారాములను కళ్ళారా దర్శించి తరించండి....
(
అది భానువాసర సప్తమీ మరియు భానువాసర సప్తమీ ప్రయుక్త పునర్వసు అయినచో, మీరు ఎంతగానో మిక్కుటమైన భాగ్యవంతులైనట్టు అన్నమాట....🙂
ఎందుకంటే ఎన్నో చోట్ల విరివిగా లభించే ఎన్నో రకాల మామిడి పండ్ల అనుగ్రహం వేరు...
మరియు అక్కడక్కడా అప్పుడప్పుడూ లభించే కొబ్బరిమామిడి పండ్ల అనుగ్రహం వేరు...🙂
)
అటువంటి అరుదైన అమరవందిత శ్రీవరభద్రగిరీషుడి సన్నిధిలో
తన ఆరాధ్యదైవం యొక్క సన్నిధిలో, తను ఉండకుండా ఉండడం ఏంటి...అని అనుకున్నారేమో హనుమంతుల వారు...
అందుకే ఆలయ మహాగోపురానికి అభిముఖంగా కొలువై భక్తులను అనుగ్రహిస్తూ, ధ్వజస్తంభమంటపంలో
గరుత్మంతులతో సమానంగా ఒకేపీఠంపై కొలువై గర్భాలయంలో కొలువైన సుందర మందస్మితమూర్తులైన శ్రీసీతారాములను నిత్యం దర్శిస్తూ భక్తులను అనుగ్రహిస్తూ పరిఢవిల్లుతున్నారు...
శ్రీరాముడు ఎంతో సుకుమారుడు, ఎంతో శక్తిమంతుడు, ఎంతో శ్రీమంతుడు, ఎంతో సుందరుడు, ఎంతో కరుణామయుడు, ఎంతో ఆశ్చర్యవైభవంతో అలరారే కౌసల్యాదశరథ తనయుడు....
అందుకే శ్రీసద్గురుత్యాగరాయస్వామి వారు కూడా అంతే రమణీయమైన సంకీర్తనతో శ్రీరాముణ్ణి స్తుతించడానికి "పవమానసుతుడుబట్టు పాదారవిందములకు..." అని ప్రారంభించారు....
ఎందుకంటే... ఏ లోకంలోని ఎవ్వరికైనా వాయుసుతుడైన ఆంజనేయుడి మహిమలు అందరాని అచ్చెరువొందే అమరవందిత విశేషాలై ఉండును....
మరి అట్టి పవనసూతి నిత్యం సేవించే శ్రీరాముడి పాదపద్మములు ఎంత గొప్పవో కదా...
అందుకే కద....
ఆజానుబాహుడైన శ్రీరాముడి పాదపద్మముల స్పర్శకు...,
శ్రీరామనామవైభవానికి...,
జడరాశి అహల్య అయ్యింది....
జడము నీటిపై నిలిచింది....
జానకి సీతమ్మ అయ్యింది...
విభీషణుడు లంకాధిపతి అయ్యాడు...
సూగ్రీవుడు కిష్కింధాధిపతి అయ్యాడు...
శబరి ఉన్నతలోకాలను అందుకుంది...
హనుమంతుడు చిరంజీవి అయ్యాడు...
అయోధ్య మోక్షపురి అయ్యింది...
భద్రమహర్షి శ్రీభద్రాచలం అయ్యాడు...
విరజానది సిద్ధగౌతమి అయ్యింది...
బోయవాల్మీకి సిద్ధమహర్షి అయ్యాడు...
శ్రీమద్రామాయణం వేదోపబృహ్మణం అయ్యింది...
మీకు ఇది చదివిన మహాపుణ్యం లభించింది...
నాకు ఇది రచించిన మహాపుణ్యం లభించింది...
లోకాలన్నీ తరించాయి...
లోకులందరూ తరిస్తున్నారు...
తిరుమల శ్రీవేంకటేశ్వరస్వామివారు అనుగ్రహించేది...
విశ్వరూపదర్శనమైనా,
లఘుదర్శనమైనా,
మహాలఘుదర్శనమైనా,
ఆ అనుగ్రహం చాలా గొప్పది.....
అట్లే
ఆదికావ్యం, ఇతిహాసం, సీతాయాశ్చరితమ్మహత్,
వేదోపబృహ్మణం గా వర్ధిల్లే శ్రీమద్రామాయణ సాహితీ వరివస్య...
సంపూర్ణంగా అయినా,
లఘువుగానైనా,
మహాలఘువుగానైనా,
ఆ అనుగ్రహం చాలా గొప్పది.....
శ్రీసంక్షేపరామాయణఫలశృతి కూడా ఇట్లే అనుగ్రహిస్తున్నది కద...
ఇదం పవిత్రం పాపఘ్నం పుణ్యం వేదైశ్చ సమ్మితమ్ ।
యః పఠేద్రామచరితం సర్వపాపైః ప్రముచ్యతే ॥ 98 ॥
ఏతదాఖ్యానమాయుష్యం పఠన్రామాయణం నరః ।
సపుత్రపౌత్రః సగణః ప్రేత్య స్వర్గే మహీయతే ॥ 99 ॥
పఠన్ ద్విజో వాగృషభత్వమీయాత్
స్యాత్ క్షత్రియో భూమిపతిత్వమీయాత్ ।
వణిగ్జనః పణ్యఫలత్వమీయాత్
జనశ్చ శూద్రోఽపి మహత్త్వమీయాత్ ॥ 100 ॥
ఇత్యార్షే శ్రీమద్రామాయణే వాల్మీకీయే ఆదికావ్యే బాలకాండే నారదవాక్యం నామ ప్రథమః సర్గః ॥
https://vignanam.org/telugu/sankshepa-ramayanam.html
https://thyagaraja-vaibhavam.blogspot.com/2007/05/thyagaraja-kriti-nee-naama-roopamulaku.html?m=1
ప. నీ నామ రూపములకు నిత్య జయ మంగళం
చ1. పవమాన సుతుడు పట్టు పాదారవిందములకు (నీ)
చ2. పంకజాక్షి నెలకొన్న అంగ యుగమునకు (నీ)
చ3. నవ ముక్తా హారములు నటియించేయురమునకు (నీ)
చ4. నళినారి కేరు చిరు నవ్వు గల మోమునకు (నీ)
చ5. ప్రహ్లాద నారదాది భక్తులు పొగడుచుండే (నీ)
చ6. రాజీవ నయన త్యాగరాజ వినుతమైన (నీ)
సర్వం శ్రీలక్ష్మీవేంకటేశ్వర సమేత శ్రీకొండగట్టువీరాంజనేయస్వామి శ్రీచరణారవిందార్పణమస్తు...
శ్రీసీతారామచంద్రపరబ్రహ్మణే నమః.....💐🙂🙏
No comments:
Post a Comment