శ్రీ మలయప్పస్వామి వారు అరుదైన కనకపుష్యరాగమణి / యెల్లో సఫైర్ స్టోన్ తో అలంకరింపబడిన సువర్ణహారాన్ని ధరించి తిరువీధి ఉత్సవంలో ఊరెరిగింపుగా తన లోకోత్తరమైన శ్రీవైష్ణవఠీవిని భక్తులకు కన్నులపండువగా అనుగ్రహిస్తూ ముందుకుసాగుతున్న ఈ వీడియో ని బాగా దర్శించి మదిలోయల్లో పదిలపరుచుకోండి...

శ్రీ మలయప్పస్వామి వారు అరుదైన కనకపుష్యరాగమణి / యెల్లో సఫైర్ స్టోన్ తో అలంకరింపబడిన సువర్ణహారాన్ని ధరించి తిరువీధి ఉత్సవంలో ఊరెరిగింపుగా తన లోకోత్తరమైన శ్రీవైష్ణవఠీవిని భక్తులకు కన్నులపండువగా అనుగ్రహిస్తూ ముందుకుసాగుతున్న ఈ వీడియో ని బాగా దర్శించి మదిలోయల్లో పదిలపరుచుకోండి...

ఎందుకంటే అధ్యాత్మ శాస్త్రప్రకారం ఫలాన ఉత్సవంలో / తిరువీధివిహారంలో ఫలాన ఆభరణాన్ని / మణిని ధరించి శ్రీవేంకటేశ్వరస్వామి వారు ఊరెరిగింపునకు ఏతెంచినప్పుడు దర్శించిన భక్తులందరికీ ఫలాన విశేషమైన అనుగ్రహం లభించి తరించెందరు అని శాస్త్రవచనం...

అట్టి అధ్యాత్మవిశేషపరంపరలో శ్రీమలయప్పస్వామివారు అరుదైన కనకపుష్యరాగమణిభాసమయమై భక్తులకు దర్శనమిచ్చే ఈ దృశ్యమంజరిని కళ్ళారా దర్శించినవారికి బహువిశేషమైన గురుబలం సంప్రాప్తించును....

మీ దెగ్గర ఎన్నో రకాల పండ్లు ఉండడం / ఆరగించడం వేరు....

పండ్లలో రాజైన మామిడి పండు ఉండడం / ఆరగించడం వేరు....

అట్లే సూర్యపరమాత్మ చుట్టూ వారివారి నిర్దేశిత అంతరిక్షకక్ష్యలో పరిభ్రమించే నవగ్రహాల్లో అత్యంత ప్రభావవంతమైన గురుగ్రహం / జుపిటర్ యొక్క శక్తిని బహువిశేషంగా అనుగ్రహించే సాధానాల్లో కనకపుష్యరాగమణి ఒకటి....

గురుబలం మిక్కుటంగా అనుగ్రహింపబడి ఉన్నవారికి పట్టిందల్లాబంగారం అన్న చందంగా వారికి ఎనలేని ఈశ్వరానుగ్రహం నిత్యం సమకూరుతూఉండును...

ఎందుకంటే దేవేంద్రుడు కూడా నమస్కరించే బృహస్పతి వారి శాసనానికి అనుగుణంగా వర్ధిల్లే స్వర్గలోకంలో కూడా గురుబలం యొక్క ప్రభావం మెండైనదే....

ఆవులకు శెనగలను ఆహారంగా సమర్పించడం...

స్వఛ్చమైన దేశవాళీ అవునేతితో దీపారాధన గావించడం...

శ్రీ మేధాదక్షిణామూర్తిస్తోత్రాన్ని ఆలకించడం / పఠించడం...

శ్రీమద్రామాయణాన్ని / సంక్షేపరామాయణాన్ని పఠించడం...

శ్రీవిష్ణుసహస్రనామస్తోత్రాన్ని ఆలకించడం / పఠించడం...

ఇత్యాదివి గురుబలాన్ని విశేషంగా ప్రోదిగావించే సాధనములు...

శ్రీకృష్ణలీలల్లో అత్యంత ఆశ్చర్యచకితమైన కాళీయమర్దన లీలను వర్ణిస్తూ శ్రీతాళ్ళపాక అన్నమాచార్యులు ఈ క్రింది సంకీర్తనలో "కాళింగుని తలలపై కప్పిన పుష్యరాగము" అని వచించడం భక్తులకు ఎరుకే...

************** ************** **************

ముద్దుగారే యశోద ముంగిట ముత్యము వీడు

తిద్దరాని మహిమల దేవకీ సుతుడు

అంతనింత గొల్లెతల అరచేతి మాణిక్యము

పంతమాడే కంసుని పాలి వజ్రము

కాంతుల మూడు లోకాల గరుడ పచ్చ పూస

చెంతల మాలోనున్న చిన్ని కృష్నుడు

రతికేళి రుక్మిణికి రంగుమోవి పగడము

మితి గోవర్థనపు గోమేధికము

సతమై శంఖుచక్రాల సందుల వైఢూర్యము

గతియై మమ్ము గాచే(టి)కమలాక్షుడు

కాళింగుని తలలపై కప్పిన పుష్యరాగము

ఏలేటి శ్రీవేంకటాద్రి యింద్రనీలము

పాలజలనిధిలోన పాయని దివ్య రత్నము

బాలుని వలె తిరిగే పద్మనాభుడు

************** ************** **************

సర్వం శ్రీవేంకటకృష్ణార్పణమస్తు...💐🙂🙏