ఉన్నంతలో తృప్తిగా బ్రతకడం,
ఉన్నంతలో ఇంత ఇతరులకు కూడా పెట్టడం,
ఉన్నంతలో ఉన్నతంగా బ్రతకడం,
అనే ముఖ్యమైన 3 సూత్రాలను విశ్వసించి, ఆచరించి,
భర్త, ఆరుగురు కొడుకుల, ఇద్దరు కూతుర్ల, కుటుంబాన్ని నెట్టుకువచ్చి..,
చేతికి బీ.పి బ్రేస్లెట్ ఉన్నా కూడా అనవసరంగా ఏనాడు ఎవ్వర్ని పల్లెత్తు మాట అనకుండా...,ఎవ్వరి అభివృద్ధిపై ఏడవకుండా, ఎవ్వరితో మాటపడకుండా, ఎవ్వరినీ ఇబ్బంది పెట్టకుండా, ఆదర్శజీవితాన్ని జీవించి, అవసాన సమయంలో నడవలేని స్థితిలో అవస్థలు పడుతూ కూడా ఏనాడు జీవితంలో ఎవ్వరికీ తలవంచని ధీరవనితగా,
నగునూరి చంద్రమ్మ కూతురుగా జన్మించి అయిత నాగమ్మ గా
భర్తచేతుల్లో నిండుముత్తైదువగా మీరు తనువుచాలించి నేటికి 27 సంవత్సరాలు...
మీ శక్తికి, మీ స్ఫూర్తికి, మీ నిస్వార్ధజీవితప్రయాణధృతికి, తలవంచి నమస్కరిస్తూ....
చైత్ర శుద్ధ త్రయోదశి వత్సరాబ్దిక సందర్భంగా, నానమ్మ గారి శ్రీచరణాలకు మనవడి సవినయ నమస్సుమాంజలి...💐🙏
No comments:
Post a Comment