పద్మశ్రీ, కళైమామణి బిరుదాంకిత శ్రీ పులపాక సుశీల గారు, సుశీలమ్మ గా భారతీయసంగీతపరిశ్రమకళామతల్లిసిగలో కొలువైన అత్యంత అరుదైన మధురగానవిద్వన్మణి గా ఖ్యాతి గడించిన లలితకళాభిజ్ఞ్యసామ్రాజ్యమైన విజయనగర తెనుగు తేజం అని విజ్ఞ్యులెల్లరికీ విదితమే...
వారి అనన్యసామాన్య గాత్రవైభవానికి తార్కాణంగా, ఇప్పటికీ ఎవర్ గ్రీన్ సాంగ్ గా ఎందరో విజ్ఞ్యుల ఇళ్లల్లో
ఆలకింపబడే లాలిపాట అయిన
"వటపత్రశాయికి వరహాల లాలి.." అనే అన్నమాచార్య కృతి ఒక్కటి చాలు....
మనిషి యొక్క పరిపూర్ణారోగ్యానికి అత్యంత ఆవశ్యకమైన ప్రాణాయామశక్తిని ప్రోదిగావిస్తూ, ఉన్నతమైన బుద్ధివైభవాన్ని వికసింపజేయిస్తూ, సామన్య మనుష్యులను మాన్యులైన మహనీయులుగా తీర్చిదిద్దే సామవేదశాస్త్రానుబంధలలితకళలో ఆరితేరిన
సంగీతశాస్త్రశిఖామణి గా పరిఢవిల్లే వారి గాత్ర వైభవం గురించి వివరించేంతటి ప్రౌఢిమ చాలా తక్కువ మంది సంగీతశాస్త్ర రసజ్ఞులకు, కోవిదులకు మాత్రమే కుదురును....
మీరు 90వ పడిలోకి అడుగిడుతున్న సందర్భంగా...,
భగవంతుడి చిరంతన అనుగ్రహంతో మీరు నిండు నూరేళ్ళు ఆయురారోగ్యైశ్వర్యాలతో వర్ధిల్లాలని అభిలషిస్తూ, మీకు హార్దిక జన్మదినశుభాభినందనా నమస్సుమాంజలి...💐🙂
No comments:
Post a Comment