శ్రీ ఆదిశంకరాచార్య జయంతి శుభాభినందనలు...! - 2018

Vinay Kumar Aitha

20 April · 

అందరికి శ్రీ ఆదిశంకరాచార్య జయంతి శుభాభినందనలు...!

ఆమ్మ, ఆలు - అనే ఇద్దరు ప్రత్యక్షంగా, గురువు, దైవం - అనే ఇద్దరు పరోక్షంగా,
ప్రతి మనిషి యొక్క జీవన సాఫల్యతకు పరిపూర్ణత్వాన్ని చేకుర్చే అతిముఖ్య జీవనరథసారధులు.....

సరిగ్గా పరికించి చూస్తే, ఈ జీవితం లోని బాంధవ్యాలన్నీ అమ్మ మరియు భార్య కల్పించినవే...
అవి ఏ మేర మనవిగా అయ్యి మన ఉన్నతికి సహాయసహకారాలుగా ఉంటాయో, అది గురువు మరియు దైవం యొక్క నిర్ణయమై ఉంటుంది అన్నది నా నమ్మకం...:)

జీవితం అనే నిరంతర ప్రయాణపు బండి చక్రాలకు, బాల్య కౌమారపు జీవిత తొలిసంధ్య కు అమ్మ,
యవ్వన వార్ధక్యాలనే జీవిత మలిసంధ్యకు భార్య, ఇరుసులుగా ఉండి, ఆ ప్రయాణపు ఆఖరి మజిలి ఈశ్వరైక్యం వైపుగా వెళ్ళేలా చేయడానికి ఈ ఇద్దరిదే ఐహిక కర్తృత్వం...:)

ఆ ఐహిక యాత్ర సక్రమంగా సాగి, అది తుదకు పారమార్దిక ఉన్నతివైపు సాగేందుకు, సద్గురువుల దర్శనాలు, మాటలు, బాటలు, మత్రమే కారణభూతమై, "తత్ త్వం అసి..",
అనే అత్యంత కష్టమైన అద్వైత స్థితిని మనకు చేకూర్చి పెట్టే సద్గురువుల అనుగ్రహానికి సాటిరాగలది, ఈ యావద్ విశ్వమందు ఉండజాలదు అన్నది మన పెద్దల మాట...!

12 శతాబ్దాలముందు అలనాడు నడయాడిన సద్గురువులు శ్రీ ఆది శంకరులు మరియు ఈ నాడు నడయాడే సద్గురువులు శ్రీ చాగంటి వారు ...:)

నగురోరధికం నగురోరధికం..!
నమః శంకరభానవే నమః...!!
నమో నమః శ్రీ గురుపాదుకాభ్యాం... !!!